Bayer & Riedl

Gscheide Personallösungen de richtig stimman – san oafach bessa

Unternehma aus olle möglichn Branchn san richtig z'frien mit unsane Dienstleistungen und mit dem wos mia so oise machan.

Mitnand, praktisch Hand in Hand werd ned blos gschaut, sondern a gmacht das oisse passt. Des geht o bei Leiharbat, Personalvermittlung, bis hi zua festn Ostellung und da Auslagerung vo Aufgaben aus'm Unternehmen.

Mit da richtigen Personallösung bist und bleibst maximal flexibel und es is vui mehra Spuiraum für des Wichtigste – dem wirtschaftlichn Erfolg und das vor allem wos weida geht.

Wenn's Fragen gem soid, oder jemand wos genauer wissen mecht, dann ruafts oafach o, mia beissn ned und huifan jedem gern weida.

Leiharbat

Luft hom zum Durchschnaufa

Mit da Leiharbat bist maximal flexibl, grod dann, wenn's amoi eng werd und Du unbedingt Leid zum Arbatn brauchst.

Es brummt, Du host eh scho Arbat grod gnua und kannst de fast darenna. Agrat jetz, droht a no a guada Kunde mit an Großauftrag. Oh mei, wia schaff i des jetz blos?

Des is ganz oafach, ned vui redn, sondern schnell handln is ogsogt! Mit uns ois Leiharbatsfirma feid se in dera Situation gor nix. Mia schaun das wos weida geht und Du ausreichend Leid für den Haufa Arbat kriagst - wos zum doa is werd gmacht.

Wenn's amoi brennt, dann san mia auf alle Fälle schnell und unkompliziert genau da richtige Partner.

Oder Du brauchst mehra Personal, weil an Haufa Leid grod im Urlaub san oder ebba krank is? A koa Problem, mia heifan do genau a so!

A suachan mia no de Richtign Leid für Dei Arbat und kümmern uns a um de Pflichtn de da Arbeitergeber zum trong hod.

De Mitarbeiter san fest bei uns ogstellt und kriang eana „Puiva“ noch da BAP/DGB-Tarifgemeinschaft. Wenn's amoi a Problem gibt, weil Oana kündigt oder warum a imma ausfoin soid, dann is des unsa Sach und a unsa Problem, des mia dann selbstvertändlich für Di lösn.

Kurzum, Du host vui weniger „Gschieß“ in dera Hinsicht und profitierst vo da flexiblen und kurz- oder langfristign Ostellungen vo de Mitarbeiter.

Leid suacha für Di

Gscheide Leid findn für'd Arbat

Wenn's ums Thema Arbat und Bewerbung geht, do feid se gor nix, weil do konnst Di sauba auf uns und unsa Erfahrung verlassn.

Mia schaun hunderprozentig, dass a jeder genau de Leid zum Arbatn kriagt, de er a braucht. A beim Suacha und Owerben kümmern mia uns um ois, und ois wos so drumherum zum doa is. Damit sparst an Haufa Zeit und host a fast koan Aufwand ned.

Mit Rat und Tat übernehma mia des Ausschreim vo offane Arbatsplatz. Bevor ma Dir de passendn Bewerber voastelln, mach ma an Haufa Bewerbungsgespräche und sortiern scho moi vorab de richtign Leid für Di aus.

Wer dann da Beste is, für Di und Dei Firma, des konnst dann zum Schluß selba aussuacha.

Zerst leihn, dann fest ostelln

Langfristig gsehng

A dauerhafte Arbatsplotzbesetzung is für uns, ma kannt song a „Mischmasch“ aus Leiharbat und Personalvermittlung.

In da Zeit vo da Leiharbat host Du ois Kunde de Möglichkeit, dass Du den Mitarbeiter so guad wias geht kennalerna konnst und genau sehgst wos er bsonders guad konn und so ois am Kasten hod. De Zeit vo da Leiharbat komma praktisch a ois „Probezeit“ oschaun.

Wenn de ausgmachte Zeit dann ume is, dann host de Möglichkeit, dass Du unsan Mitarbeiter fest bei Dir ostelln konnst.

Oana vo uns bei Dir

Oana vo uns, der vor Ort schaut das ois passt

Brauchst Du moi langfristig gsehng an Haufa Leid zum Arbatn?

Mia hamma a dofür wos parat! Auf neideitsch sogt ma do „On-Site-Management“ dazua und des Ganze schaut a so aus: Oana vo Bayer + Riedl is fest bei Dir in da Firma mit dabei und kümmert se quasi ois Ansprechpartner drum, dass schnell reagiert werd und oise a so lafft wia's laffa soi.

Da „On-Site-Capo“ plant und schaut an Ort und Stelle, dass de richtign Leid a de richtige Arbat zuateilt kriang und das de Arbat dann a gscheid gmacht werd. Außerdem kümmert er se drum, dass se de neia Mitarbeita reibungslos im Arbatsumfeld ei- und opassn kinna.

Somit werd de Leiharbat und ois Drumerhum zentral vo oan Plotz aus gsteiad. Des entlastet Dei Firma, weil mia uns dann um ois kümmern und genau schaun, wer, wia, wos, wiavui... braucht oder vielleicht a grod ned braucht.

Rundumadum

Vo vorn bis hint und rundumadum

Ois Peronsaldienstleister übernehma mia a komplette Aufgabenbereiche und kümmern uns drum, dass ois richtig oblafft. Mit an Werk- und Dienstvertrog dan mia initiieren, planen, steian, kontrollian und schliassn a ganze Projekte ob.

So a Projektmanagement konn blos a gwisse Zeit lang dauern oder aber a lang dahi geh und unbefristet sei. Ois wos zum macha is, werd genau do gmacht wos am gscheidan is – vor Ort bei Dir in da Firma. Desweng bleibt des „Gwußt Wia“ a oiwei dahoam im Haus bei Dir.

Im Prinzip is a Projektmangement wos wirklich Gschmeidigs, weil Personalkostn zu Sachkostn wern, de ma guad plana konn und de an Leistung und Produktivität opasst san.

Mia vo Bayer + Riedl kümmern uns, schaun das ois passt, somit bist Du ned obglenkt und konns't De auf des konzentrian wos wirklich wichtig is. Außerdem sparst an Haufa Zeit und host so vui mehra Freiraum für andere Sachan.

Bei uns konns't De drauf verlassn, dass des wos zum macha is, a wirklich auf'n Dog genau gmacht werd. A muaßt ned oiwei hint nochegrein, des spart Nerven und vor allem Gaudi.